Hoofstad

'n Hoofstad is 'n belangrike stad in 'n gebied (soos 'n land of 'n provinsie) wat sentraal staan in 'n sekere sin (gewoonlik 'n politieke sin). Die hoofstad van 'n land verwys gewoonlik na die setel van die regering van die land.

Daar kan ook verwys word na 'n stad as die ekonomiese of kulturele hoofstad van 'n gebied. Dit kan daarop dui dat die stad die meeste ekonomiese of kulturele aktiwiteit beleef of as sodanige middelpunt gesien word deur meeste mense.

In party gevalle het lande meer as een hoofstad, of die setel is in 'n ander stad as die hoofstad:

• In Suid-Afrika is Pretoria die uitvoerende hoofstad met die regeringskantore by die Uniegebou. Kaapstad is die wetgewende hoofstad met die parlement van Suid-Afrika wat daar vergader en Bloemfontein is die geregtelike hoofstad met die Appelhof van Suid-Afrika.
• Yamoussoukro is in 1983 as die hoofstad van die Ivoorkus verkies, maar baie van die staatskantore en ambassades is steeds in Abidjan.
• Sucre is steeds die grondwetlike hoofstad van Bolivie, maar meeste van die nasionale regering het reeds verhuis na La Paz.
• Amsterdam, die hoofstad van Nederland, is nie die setel van die regering nie. Die is in Den Haag.

Die term "hoofstad" is afgelei van die Latynse caput (genitief capitis), wat "kop" beteken.

• Lys van hoofstede

• Wikimedia Commons het meer media in die kategorie Hoofstad.

• Wikiwoordeboek het 'n inskrywing vir hoofstad.