Wisconsin

Coordinadas: 44deg30'N 89deg30'W / 44.5degN 89.5degW44.5; -89.5

Su Wisconsin (/wIs'kans@n/) est unu istadu federadu de sos Istados Unidos de America chi s'agatat a su tzentru-Nord de sa natzione, in sa regione de Midwest e de sos Lagos Mannos.

Sa capitale est Madison, sa tzitade prus manna Milwaukee.

Su nomene de Wisconsin dependet de su frumene omonimu, chi ddu pigat de unu faeddu in limba algonchina. Fiat s'isproradore frantzesu Jacques Maruquette in su 1673 a ddu narrere Meskousing. A pustis su faeddu est istadu mudadu in Ouisconsin de ateros isproradores frantzesos, fintzas a s'anglitzizadura a su nomene de oe in su seculu XIX.

Sa zona de su Wisconsin est de propiedade de sos USA giai de su 1783, ma est abarradu a suta de su cuntrollu inglesu fintzas a su 1812. Fiat ordingiadu a Territoriu in su 1836 e est diventadu istadu in su 1848.

Su Wisconsin est istadu intre de sos istados prus impignados pro s'abolitzione de s'iscravidade.

Allacanat in s'Ovest cun su Minnesota, in su Sud-Ovest cun su Iowa, in su Sud cun s'Illinois, in s'Est cun su Lagu Michigan, in su Nord-Est cun s'istadu de Michigan, in su Nord cun su Lagu Superiore.

Su Wisconsin est connotu comente "America's Dairyland" (Sa Terra de su Casu de America), pro ite nd'est unu de is prus mannos produidores. S'economia s'apoderat fintzas de cummertzios e turismu.