Tagalog

Tagalog is ene Austronees'sche Spraak, de op de Philippinen vun um un bi 22 Millionen Minschen spraken warrt. Tagalog is de Basis for Filipino, de Amtsspraak vun de Philippinen, de vun um un bi 50 Millionen Minschen as twete Spraak spraken warrt.

Vun de Spraak vor de Ankumst vun de Spaniers weet wi nix, dat ollste Book, wat nableven is, is de Doctrina Cristiana vun 1593, de op Spaansch un denn in twee Soorten Tagalog schreven weer, eenmal in't latiensche Alphabet un denn in de Baybayin-Schrift. Disse Baybayin-Schrift weer woll ok al vor de Tiet vun de Spaniers op de Philippinen in Bruuk, aver dor is wenig vun nableven. Mit de Spaniers hebbt se Tagalog denn ok jummer mehr in latiensche Schrift schreven, aver ok huut schrievt welk Luud noch in Baybayin.

De Spraak (in ehre Filipino-Form) warrt regelt vun de Kummission for de Filipino-Spraak (Komisyon sa Wikang Filipino).

• Wikipedia op Tagalog (Tagalog)