Internet

Internet a l'e 'na rae a acesso publico ch'a conette varri dispoxitivi o terminali in tutto o mondo. Internet da-a seu nascita o raprezenta o principa mezzo de comunicacion de massa, ch'o l'offre a-e personn-e 'na grande quantitae de contegnui informativi e de servicci.

Se parla de 'na interconescion globale tra rae informatiche de natua e estenscion dispaegia, poscibile gracie a 'na suite de protocolli de rae dita "TCP/IP" da-o nomme di doi protocolli principa, o TCP e l'IP, che costitoiscian a "lengoa" comune pe fa parla tra liatri i computer conessi (i host) a l'Internet. Difaeti i host en interconessi e comunican a un livello superiore indipendentemente da l'architetua hardware e software che gh'an sotta, cosci a l'e garantia l'interoperabilitae tra scistemi e sottorae fixiche despaegie.

Da l'inicio di anni novanta do neuvecento, a vegnua e a difuxion de l'Internet e di seu servicci (insemme a atre invencioin comme i telefonin e o GPS) an raprezentou 'na vea rivolucion tecnologica e socio-coltua e asci un di motoi do sviluppo economico mondia inte l'anbito de l'Information and Communication Technology (ICT).

• Wikimedia Commons a contegne di files in sce Internet