Ingiostro

Pending

Da Wikipedia, l'enciclopedia libara.

Stato della versione della pagina

Le modifiche in sospeso le vien mostra su sta pagina

La version stabile la xe sta verifega el 11 ago 2021. Ghe xe canbiamenti a modeli e/o file in sta version in atexa de revixion.

Ingiostri colorai inte i soi contenidori

L'ingiostro (dito anca inciostro) el xe na roba che la pol aver desferente consistense, da liquida a pastoxa, costituio da solusion de coloranti o sospension de pigmenti in un fluido che li smisia ben, e li mola su carta o altri materiali boni par mexo de la scritura, de la stanpa o traverso l'uxo de un tinbro.

Perche i ga desferente funsion i se pol divider in: ingiostri par scriver e per la stanpa. I ingiostri par scriver i xe par eser brevi solusion aquoxe de prodoti coloranti, ai quai ghe vien xontai altri prodoti boni a darghe le carateristeghe piu utili perche i funsiona ben. Sto tipo de ingiostro el ga da dar na trasa ciara sensa sbavadure, bastansa intensa, daspo el ga da secarse in maniera velose sensa traversare la carta, scorer fasilmente su la pena (normal o stilografega), ma sensa formar grumi inte i calamari o inte le canele de le pene e rovinar i materiali coi quai el vien in contato.

Storia

[canbia | canbia el codaxe]

Desegno de Ganesha, chel xe sta fato inte el XIX secolo, co la china.

Parece culture antighe, par tuto el mondo, le scovriva e creava da sole ingiostri par aver qualcosa de bon par scriver e desegnar. La conosiensa dei ingiostri, le rexete e le tegneghe par farli, la vien fora da analixe archeoloxeghe o anca da testi scriti che ne parla revardo sta roba.

La storia dei ingiostri cinexi la se pol portar indrio al XII secolo a.C., col utilixo de robe cavade fora da piante, animali e paste tolte da minerali come la grafita che le vegneva brombae co aqua e aplicae co peneleti. Le prove par i primi ingiostri cinexi, somegianti a quei chei xe ciamadi sumi, le se cata intorno al 256 a.C. a la fin del periodo dei regni conbatenti.^[1]

La china, doprada in India a partir fin dal IV secolo a.C., la zera ciamada masi, e la zera fata de osi bruxai, catrame, rexena, e altre robe.^[2] Documenti indiani col alfabeto Kharosthi scriti co sto ingiostro i xe stai cavai fora da tera inte el Turkestan.^[3]. Sta pratega de scriver col'ingiostro e un ago ben 'fila el zera comun inte i tenpi antighi inte el India del sud.

Inte la Roma antiga, se doprava un ingiostro ciama atramentum. Inte n'articolo del Christian Science Monitor, Sharon J. Huntington el descrive altri ingiostri antighi: el dixe che daspo xe stada creada na rexeta, doprada par secoli, del'ingiostro, fato de solfato feroxo, fato smisiando fero e asido solforico, asieme a gale, catae su le piante. Inte el XII secolo, i ga scoverto na nova maniera che la consisteva inte el lasiar inte el aqua scorse del ramo del perusoler.

La prima pena stilografica la pol eser stata fin dal 953, co Ma'ad al-Mu'izz, el califo del'Egito, el ga domanda na pena che no la faxese mace su le man e i vestiti, e la gavese na reserva tacada.^[4]

Inte el XV secolo, ghe xe sta bexogno de un novo ingiostro par la machina de Johann Gutenberg. A quei tenpi ghe zera do tipi inportanti de ingiostro: quelo greco e roman (senere, cola, e aqua) e quelo del XII secolo. Nisun de sti do el zera bon a stanpar su le superfisie sensa sbavadure. Cusi la xe sta crea na spece de ogio propio par la stanpa, fato co senere, trementina e ogio de noxa.

Fonte

[canbia | canbia el codaxe]

| http://www.chcsec.gov.tw/pcsec/research/four_treasure/books/ink/index_ink.htm Archivia il 26 de novenbre 2004 in Internet Archive.
| "India ink." in Encyclopaedia Britannica. 2008 Encyclopaedia Britannica Inc.
| Sircar, page 206
| CE Bosworth, A Mediaeval Islamic Prototype of the Fountain Pen? Journal of Semitic Studies, 26(2):229-234, 1981