Claude Monet

Claude Monet (badden ap dan 14. November 1840 in Paris as Oscar-Claude Monet; stuurwen ap dan 5. Dezember 1926 in Giverny) waas aan Moaler uut Frankriek. Sien adder Wierk gjuchtet sik atter dan Realismus, man dat wonnelde sik moor un moor atter dan Impressionismus, sodat Claude Monet daalich as Impressionist bekoand is. Monet sien Skilleroatsje "Impression, riesende Sunne" roate dan Impressionismus uurigens sin Noome. Monet is uk bekoand foar sin Tuun, dan hie saarm baate sien Huus in Giverny ounlaid had, deerfon hie uk eenige Skilleroatsjen moald had.

• "Camille in't graine Klood"
  Skilleroatsje fon 1866, deerap Monet sien leetere Wieuwmoanske moald had.
• "Impression, riesende Sunne"
  Skilleroatsje fon 1872, deerap Monet dan Hoawen fon Le Havre moald had.
• "Boanhoaf Saint Lazare in Paris, Ounkumst fon aan Toach"
  Skilleroatsje fon 1877, deerap Monet aan Boanhoaf moald had.
• "Tuunwai"
  Skilleroatsje fon 1902, deerap Monet aan Wai in sin Tuun in Giverny moald had.