Emmanuelle Charpentier

Emmanuelle Marie Charpentier (* 11. Dezember 1968 in Juvisy-sur-Orge, Frankriek^[1] as Emmanuelle Marie Louvandrie) is en franzoosch Mikrobiologin, Genetikerin un Biochemikerin. 2020 wurr hor for de Entwicklung vun de ,,Genscheer" CRISPR/Cas9^[2] tosommen mit Jennifer Anne Doudna de Nobelpries for Chemie tospraaken.

Siet 2018 is se Baas vun de ,,Max-Planck-Forschungsstelle fur die Wissenschaft der Pathogene" in Berlin, tovor weer se siet 2015 Direkterin an dat Berliner Max-Planck-Institut fur Infektionsbiologie.^[3][4][5]

Charpentier studeer af 1986 Biologie, Mikrobiologie un Genetik an de Universitat Pierre un Marie Curie in Paris, wo se 1995 for hor Forschungsarbeiten an dat Institut Pasteur en Doktertitel (Ph.D.) in Mikrobiologie kreeg. Ab 1996 gung se as Postdokterandin an de Rockefeller University, an dat New York University Langone Medical Center, an dat Skirball Institute of Biomolecular Medicine (all in New York to Huus) un an dat St Jude Children's Research Hospital in Memphis, Tennessee.

2002 is se an de Max F. Perutz Laboratories vun de Universitat Wien un Medizinisch Universitat Wien wesselt, wo se tonachst as Gastperfessersche, af 2004 as Assistant Professor un nah hor Habilitatschoon in Mikrobiologie 2006 as Associate Professor anstellt weer. 2009 gung Charpentier an de Universitat Umea in Sweden. Hier hett se an dat Laboratory for Molecular Infection Medicine Sweden MIMS en nee Arbeitsgrupp upbaut un kreeg en Professur (Associate Professor). Dat MIMS is Deel vun ,,The Nordic EMBL Partnership for Molecular Medicine" mit Partner-Laboren in Finnland (FIMM), Daanmark (DANDRITE) un Norwegen (NCMM).^[6] Van 2013 bit 2015 weer Charpentier Perfessersche an de Medizinische Hoochschool Hannover un hett de Afdeelen Regulation in Infection Biology an dat Helmholtz-Zentrum for Infektschonsforschung, Brunswiek, leit. 2014 kreeg se en Alexander von Humboldt-Professur an de Medizinische Hoochschool Hannover.^[7] De dree Institutschonen in Umea, Hannover un Brunswiek arbeiten tosommen. Bit Enn'n 2017 weer se an de Universitat Umea, Sweden, wieder as Gastperfessersche tatig.

Siet 2015 is Charpentier Direktersche vun de Afdeelen Regulation in der Infektionsbiologie an dat Max-Planck-Institut for Infektschonsbiologie in Berlin un is sietdem ok wetenschaplich Liddmaat vun de Max-Planck-Sellschop.^[8] Siet 2018 is se de Grunnendirektersche vun de Max-Planck-Forschungsstae for de Wetenschap vun de Pathogene. De Max-Planck-Forschungsstae is administrativ vun dat Max-Planck-Institut for Infektschonsbiologie unafhangig.^[9] Se is Honorarpefessersche an de Humboldt-Universitat zu Berlin.

Emmanuelle Charpentier gellt as innovative Forscherin up dat Rebeet vun de Regulatschonsmechanismen, de Infektschonsperzessen un Immunitat vun pathogenen Bakterien togrund liggen. Hier liggt hor Fokus up de Genregulatschoon up de Ebene vun de bakteriellen) Ribonukleinsuer (RNA) un de molekularbiologischen Erforschung vun Infektschonen. Se forscht to de Fahigkeit vun bakteriell Krankheitserreger, suck gegen fromd -to'n Bispeel in de Bakterienzelle indrungen- DNA, to'n Bispeel for Bakteriophagen, to verteidigen. Mit hor Erkenntnissen up dat Rebeet vun de RNA-vermiddelt Regulatschoon dor dat CRISPR/Cas-System hett Emmanuelle Charpentier de Grundlaag for de Entwicklung vun en Technik schafft, mit de teelt Genverannern dorfuhrt wurrn konnt (CRISPR/Cas-Methood, 2012 herutbrocht mit Jennifer Doudna).^[10]

Siet 2015 tell Thomson Reuters hor wegen de hooch Tall vun hor Zitatschonen to de Favoriten up en Nobelpries for Chemie (Thomson Reuters Citation Laureates).^[11] 2020 kreeg se den ,,for de Entwicklung vun en Methood to de Genom-Editierung" gemeensam mit Jennifer Doudna tospraaken.

• Alison Abbott: The quiet revolutionary: How the co-discovery of CRISPR explosively changed Emmanuelle Charpentier's life. In: Nature. Band 532, Nr. 7600, 27. April 2016, S. 432-434, doi:10.1038/532432a.

• Emmanuelle Charpentier an dat Institut fur Molecular Infection Medicine Sweden an de Universitat Umea
• Emmanuelle Charpentier an den Max F. Perutz Laboratories in Wien, Oosterriek