Ue

La ue e je il frut de vit (Vitis vinifera). Si presente in forme di raps, componuts di raspolons e asins o grans di piculis dimensions e color clar (zal, zal clar, verdut) pe ue blancje, color scur (ros, viole o neri) pe ue nere.

I grans a so volte a son costituits di scusse, polpe e sepis.

La ue e ven doprade soredut pe produzion dal vin e si fevele in chest cas di ue par vin, e pe alimentazion, sei frescje (ue pe taule) o secje (ue calabrie, doprade par esempli tai dolc, tal strucul par di un); de ue si pues gjava ancje il suc di ue (no alcolic) e des sepis si tire fur un vuelin.

Lis dos varietats plui impuartantis pe produzion di ue a son:

• la Vitis vinifera, che e ven de Europe
• la Vitis labrusca, che e ven de Americhe dal Nord, di cui e ven la ue merecane, e cun cui si produs dome in picule part vin (fragulin).

Cheste ultime varietat no je vitime de filossere, e ven doprade pai innescj e ancje par incrosa varietats diviersis di Vitis vinifera.