NBA

La National Basketball Association, conosesta anca come NBA, la ze la pi inportante lega de basket americana. Cua A ghe zoga i pi forti zogadori e el levelo conpresivo el ze el pi alto al mondo. Fondada a New York el 6 zunjo 1946 col nome de Basketball Association of America (BAA), da un grupo de paroni de i pi grandi palaseti de hockey so jaso, la ze deventada NBA intel 1949 dopo la fuzion co la lega rivale National Basketball League: la prima partia zogada la ze stada el 1 novenbre de chel'ano tra i Toronto Huskies e i New York Knickerbockers.

Inte la Merega de dopo la guera A ghe jera la segregasion rasiale, ma la NBA la ze stada tra i primi a far zogar zogadori afromeregani: Chuck Cooper, Nat Clifton e Earl Lloyd, tuti intel 1950.

Par far pi velose e pi belo el zogo, che prima el jera anca pezante da vedar, intel 1954 A ze stada metua la regola de i 24 secondi par tirar a canestro.

Intel 1959 A ze riva el zogador Wilt Chamberlain e, par i dieze ani dopo, el ze sta el pi forte che el jirava.

Dopo ver supara i problemi co n'altra lega de basket rivale par via del nome che la NBA la scomisiava a farse in jiro pal mondo, inte i ani Otanta la se ga ingrandio ase anca fora de i Stati Unii: i zogadori sinbolo come Larry Bird (Boston Celtics) e Earvin "Magic" Johnson (Los Angeles Lakers) i se ga fato la guera in canpo co grando spetacolo. Ma un di inportante, chel canbiara la storia de sto sport, el ze sta al draft NBA (el marca estivo) del 1984, cuando che i Chicago Bulls i ga cronpa la guardia Michael Jordan, destina a deventar un sinbolo chel revolusionara el modo de vedar el basket.

Col pasar de i ani la NBA la ga atira un saco de zogadori forti, tanto che deso A ze proprio vero che el ze el pi grando e inportante torneo de basket del mondo. Intanto A ze riva scuadre e zente nove, anca italiani (Andrea Bargnani, Danilo Gallinari, Marco Belinelli sora tuti), fazendo si che la NBA la sie deventada intarnasionale a tuti i efeti. Deso i ecuilibri i ze canbiai, de fianco a le "vecie" San Antonio Spurs e Los Angeles Lakers A se ga fato vanti scuadre come i Golden State Warriors, i Cleveland Cavaliers e altre de forti.

• Atlanta Hawks
• Brooklyn Nets
• Denver Nuggets
• Detroit Pistons
• Indiana Pacers
• Milwaukee Bucks
• Minnesota Timberwolves
• Orlando Magic
• Portland Trail Blazers
• Phoenix Suns
• Utah Jazz
• Washington Wizards

• Wikimedia Commons el detien imajini o altri file so National Basketball Association
• Scholia el detien schemi grafeghi so NBA

• Pajine che le dopara el modelo Interprojeto
• Balacanestro inte i Stati Unii de l'America

• Voze co targhete de Wikidata sensa tradusion
• Voxe co codaxe VIAF
• Voxe co codaxe ISNI
• Voxe co codaxe LCCN
• Voxe co codaxe GND
• Voxe co codaxe BNF
• Voxe no biografeghe co codaxi de controlo de autorita