Light Mode

Salta al contegnuo

David Hasselhoff

Pending
Da Wikipedia, l'enciclopedia libara.

Stato della versione della pagina

Le modifiche in sospeso le vien mostra su sta pagina

4 canbiaminti in sta version i xe drio spetar la verifega. La version stabile la xe sta controlada el 15 zen 2023.


Firma de l'ator inte'l David Hasselhoff Museum di Berlino

Hasselhoff el ze nasesto a Baltimora, nel Maryland, so fiolo de Dolores Therese (23 aprile 1930 - 11 febraro 2009), cazalinga, e Joseph Vincent Hasselhoff (2 majo 1925 - 16 novenbre 2014), un dirizente d'azienda. La so fameja la ze catolega romana e de orizene todesca, irlandeze e ingleze. La so trisavola, Meta, la gaveva emigra co la so fameja a Baltimora da Volkersen, in Zarmania, a 30 chilometri (19 milia) da Brema, inte'l 1865.

El ga pasa la so infansia a Jacksonville, in Florida, e drioman el ga vivesto ad Atlanta, in Georgia, indove el ga frecuenta la scola marist. Hasselhoff el ga fato el so debuto teatrale co'l gavea sete ani in Peter Pan, fin da cuando el so sonjo d'infansia el zera cuelo de aver na cariera a Broadway. El se ga diploma a la Lyons Township High School de La Grange, Illinois, inte'l 1970. El zera un menbro de la scuadra de descorso, leader de discusion senior, presidente de'l coro, capitan de la scuadra de balavolo e el ga recoverto roli in diversi spetacoli, incluzo un rolo prinsipale come Matt in I Fantasticks. El ga studia a la Oakland University, prima de laurearse in teatro inte'l California Institute of the Arts.

Daspo el diploma de scola suparior a l'LTHS de Chicago, el ga studia a l'Academia de Arti Dramateghe, cantando in band locali inte'l tenpo libaro. Co'l se ga trasferio a Los Angeles, el se ga iscrivesto a'l California Institute of Arts, laorando inte'l fratenpo cofa camarier. El ga ezordio inte'l 1978 in Scontri stellari oltre la terza dimensione di Luigi Cozzi. El ga po' costruio la so fama grasie ai telefilm Supercar (1982-1986) e Baywatch (1989-2000), che la ze, co sirca un miliardo de spetadori, la serie televiziva pi vista inte tuto el mondo. Fra i so longometraji A ghe ze La casa 4 (Witchcraft) de'l 1988 co Linda Blair, e Layover - Torbide ossessioni de'l 2001 a fianco de l'italiana Yvonne Scio. El ze apario inte'l film Spongebob - Il film, inpersonando se steso in Baywatch.

El ze anca come cantante, apresa soratuto in Zarmania, dove el ga vendui racuanti milion de copie, rivando parfin a tenjir un conserto a Berlino, a la Porta de Brandeburgo, el 31 desenbre 1989: manco de do mezi da'l zorno de la cazua de'l muro (el 9 novenbre de'l 1989), davanti a 500 000 spetadori. El ga ezordio inte'l 1984 co Night Rocker e la so cariera muzegale la ze nda vanti a l'insenja de un pop rock dai soni neti e dai aranzamenti desizamente ani otanta co brani cofa Lovin' Feelings de'l 1987 e Looking for Freedom de'l 1989, oltra a Crazy for You de'l 1990, You Are Everything de'l 1993 e Hooked On a Feeling de'l 1997. Inte'l 2000 el ga ezordio a Broadway inte'l musical Jekyll & Hyde, ndove el intarpretava el protagonista da la dopia parsonalita. El aparise inte'l video dei LMFAO Sorry for Party Rocking e in cueli de Selfie dei The Chainsmokers e de I Don't Wanna Go to Bed dei Simple Plan. Inte'l 2021 el ga insidesto Damnit I Love You, cover in ingleze de la canson todesca Verdammt ich lieb Dich, cavalo de bataja de Matthias Reim.

Inte'l corer de'l 2007 A ze sta sparpanja un video, zira da so fia, ndove el cantante e atore el aparise in anbiti cazalinghi conpletamente inbriago e lo se vede manjar mal un hamburger da'l pavimento, co la fia che la prova a farlo razonar in merito a'l so alcolizmo. El motivo de la publegasion de tale video el par propio cuelo de spronar Hasselhoff, mediante na umiliasion publega, a zbandonar definitivamente l'alcool. Tutavia, ai inisi de'l meze de otobre de'l 2007, l'artista el vien recovara par abuzo de alcol e dimeso dapo un pochi de zorni.[1]

David Hasselhoff a Cannes nel 2013

Inte'l majo de'l 2009 el vien recovara par intosegasion acuta da alcol.[2] Senpre inte'l 2009, a otobre, el subise n'altro recovaro a Londra par el steso motivo. El 26 majo 2010 aviene l'enezemo recovaro.[3] Inte na intarvista concesa a na emitente statunitense, el ga aferma de aver avuo un flirt con l'atora Pamela Anderson, ma privo de raporti intemi. Inte'l novenbre 2015, par promover l'usida de'l so novo film Hoff the Record.

El aparise inte'l film Palle al balzo - Dodgeball, inparsonando se steso come alenador de la scuadra de dodgeball todesca. Inte na sena de EuroTrip, dove el protagonista el sonja la so amada, David Hasselhoff aparise inte na nuvoleta cantando Du, brano porta a'l sueceso da Peter Maffay. El brano el ghe da anca el titolo a l'albun che Hasselhoff el ga publega inte'l 1994. El aparise inte l'edision de Monday Night RAW de'l 12 aprile 2010 come ospite spesiale. Na so varsion dizitale la aparise inte'l zogo Pain par PlayStation 3 cofa parsonajo zogabile. El aparise inte'l video ofisiale de #Selfie de The Chainsmokers e inte'l videoclip Sorry for Party Rocking dei LMFAO. El aparise inte'l pincioneto Call of Duty: Infinite Warfare come DJ de'l parco dei divertimenti Spaceland e come parsonazo zogabile daspo el conpletamento de'l main easter egg. El aparise inte'l film Guardiani della Galassia Vol. 2, in cui el ciapa par pochi segondi le senbianse de'l pare de'l protagonista, che'l ga senpre amira el parsonajo da lu intarpreta in Supercar. El aparise a la fine de'l film Un ragazzo tutto nuovo dove el interpreta se steso.

Vita privada

[canbia | canbia el codaxe]

L'artista, de confesion luterana, el ze devorsia do volte, da Catherine Hickland e da Pamela Bach. 'St'ultema la ghe ga da do fie.

Filmografia parsiale

[canbia | canbia el codaxe]
David Hasselhoff inte'l 2009

Televizion

[canbia | canbia el codaxe]

Discografia

[canbia | canbia el codaxe]
  1. | "Drunk Tape Bad for Hasselhoff, but Is It Worse for His Daughter?" ABC, Abcnews.go.com, 4 maggio 2007. Entrada il 21 ottobre 2011.
  2. | David Hasselhoff Alcohol Poisoning; Rushed To Hospital, Radar Online. Entrada il 28 giugno 2013.
  3. | Drinking binge lands the Hof in hospital (ligo ronpesto dispunibile in Internet Archive; vedarse el istorego, la prima version e la ultema)., Tonight, 26 maggio 2010. Entrada il 28 giugno 2013.

Linganbi foresti

[canbia | canbia el codaxe]
Controlo de autoritaVIAF (EN) 69728537 * ISNI (EN) 0000 0001 1474 4519 * Europeana agent/base/147586 * LCCN (EN) n95061130 * GND (DE) 11893841X * BNF (FR) cb13923381x (data) * BNE (ES) XX1538265 (data) * NLA (EN) 40089914 * WorldCat Identities (EN) n95-061130
Traesto fora da Wikipedia - L'enciclopedia libara e colaboradiva in lengua Veneta "https://vec.wikipedia.org/w/index.php?title=David_Hasselhoff&oldid=1174121"