Charlie Chaplin

Charlie Chaplin (16 di aprili 1889 - 25 di dicemmiru 1977) fu n'attori e riggista nglisi, cunsiddiratu lu megghiu pirsunaggiu da storia du cinima.

Lu so pirsunaggiu standard, ca ha fattu ridiri quasi tuttu lu munnu ca so cumicita e macari drammaticita, era Charlot vagabbunnu ca bumbetta, vastuni e baffi. Ssu vagabunnu era pirsiquitatu de vicissitudini da vita, ma appoi vinciva sempri cu la sula arma di na bedda bunizza di cori.

Nasciu a Londra di ginitura puvirrissimi, ca nun putianu mantinillu, tantu ca pi quarchi du anni Charles e so frati Sidney foru misi nta culleggi pi urfaneddi. Lu padri ci muriu quannu Charlie avia dudici anni e la matri, malata di menti, vinni ricuvirata nta nu spitali di Croydon unni muriu nto 1928.

Nto 1906 trasiu nta cumpagnia tiatrali di Fred Karno, unni arristau finu o 1912, quannu emigrau nta li USA; ddocu cuntnuau a ricitari o triatu facennu la parti du mbriacu, ma la bona svorta s'eppi nto 1914 quannu Mack Sennet lu fici trasiri nto cinima, facennuci fari 35 curtumitraggi; nto 1915 fici finarmenti u primu film comu riggista alla Essanay e nto 1918,ca First National, addivintau pruduttori di iddu stisso .

Nto 1921 girau lu primu film longu Lu munellu. Nta ss'anni, li so rivali cchiu forti eranu Buster Keaton e Harold Lloyd. Co passari di l'anni, facia film sempri cchiu longhi commu La frevi di l'oru (1925), Li circu (1928) e lu capulavoru Luci da cita; quannu ncumincio lu sunoru, iddu nu nni vosi sapiri nenti, e finu o 1940 cuntinuau a fari sempri film muti.

Lu granni dittaturi fu lu so primu film cu sunoru e co parratu, unni mpirsunau Adolf Hitler nta na manera irrisistibbili; fici appoi Monsieur Vedoux (1947) ca ginirau novi discussioni; nto 1952, fici lu so Cantu du cignu: Luci da ribbalta.

Mentri stava nta merica, vinni dichiaratu cummunista e, pi chissu, si nni turno nta l'Europa. Nto 1972 pigghiau l'Oscar a la carrera.

Lu so urtimu film fu La cuntissa di Honk Kong du 1966. Muriu a Vevey nta Svizzira nto 1977.

• Internet Movie Database