Rhodesian Ridgeback
| Rhodesian Ridgeback | |
|---|---|
| FCI - Standard Nr. 146 | |
| Patronat | Suudlich Afrika |
| Klassifikatschoon FCI |
|
| Rassenaam na FCI | |
| Schufthoocht | Rude 63-69cm, Teev 61-66cm |
| Gewicht | Rude 36,5 kg, Teev 32 kg |
| Zuchtstandards = | FCI, AKC |
| List vun de Hunnenrassen | |
De Rhodesian Ridgeback is en vun de FCI anerkannt Hunnenrass ut Suudafrika un Simbabwe (FCI-Gruppe 6, Sektion 3, Standard Nr. 146). De Rass wurrd in vol Deelen vun de Welt to de Jagd vun Wild bruukt, aber ok as Waakhund un Familienhund hollen.[1]
Herkunft un Historie
[annern | Bornkood annern]De Rhodesian Ridgeback is de eenzig anerkannt Hunnenrass, de ut dat suudlich Afrika entstammt. Se baseert up oll Rassen vun de ehmalge Kapkolonie. Disse Hunnen, vor allen de vun de Khoi-Khoi, wiest den umkehrten Aalstreek, den Ridge up. Se kunnen up wiet Entfernungen dat Wild upspuren, hebbt for Gefohren worhschoot un de Siedlungen schuult. Se wurrn laterhen vun de Kolonialherren mit anner Rassen kruuzt un to dat Uppassen vun hor Farmen un to de Jagd up Lowen un anner Grootwild insett. Hor Upgaav weer, Jagdwild uptospuren un so lang an de Platz to binnen, bit de Jager vor Oort weern. De Originalstandard vun de Rhodesian Ridgeback, vun F. R. Barnes 1922 in Bulawayo, Rhodesien upstellt, baseer up den Dalmatiner-Standard un wurr 1926 vun de Kennel Union vun dat Suudliche Afrika anerkennt.
Beschrieven
[annern | Bornkood annern]En Rhodesian Rigdeback wurrd 63 bit 69 cm groot (Schufthoocht) un weggt ruchweg 36,5 kg. De Teeven wurrn bi etwa 32 kg bit to 66 cm groot. De Hunnen sund muskulos, mit en deep Borst, massig wolbt Ribben un licht wolbt Lennen. De Hals is ehrder lang, dat Fell kort, dicht, glatt un hell weetenfarben bit root weetenfarben, af un an mit en swaarten Snuut un dunkel Ohren: Eenig Hunnen hebbt witt Hooren an de Borst oder de Taanen. Nah de FCI-Standard sull en Rhodesian Ridgeback dunkel Oogen to swaart Noos oder barnsteenfarben Oogen to heller ,,leverfarben" Noos hemm. De Ohren liggen dicht an de Kopp an, sund hooch ansett un middelgroot.[1]
De Ridge betekend en Hoorkamm, bi de dat Fell nah vorn henn wassen deiht, wiels dat restliche Fell nah achtern rut wasst. Dat is dat upfalligste Markmal vun disse Hunnenrass. Dat gifft blots twee Hunnenrassen, de so wat hebbt: De Rhodesian Ridgeback un de Thai Ridgeback.
Wesen
[annern | Bornkood annern]De FCI-Standard beschrifft Rhodesian Ridgebacks as "wurdevoll, intelligent, Fremden tegenover toruchhollend, aber ahn Anteken vun Aggressivitat oder Scheu".[1]
Rhodesian Rigdebacks wurrn as Jagdhunnen for de Fahrten- un Sweetarbeit, as Mantrailer oder Rettungshunnen insett. Man kann hor aber ok for Hundesportorden as Agility, Obedience oder Lure-Coursing insetten.