Dark Mode

Va al contegnud

Domain Name System

De Wikipedia
Quest articol chi l'e scrivuu in lombard, grafia milanesa.

El Domain Name System l'e 'n sistema doperaa per converti i nomm de domini di host de 'na Red de computer a la so adressa IP.

Primma de la so invenzion, la conversion l'era fada de on file hosts giornaa di universita american e descaregaa, di utent, in sui so computer.

Quand che Internet l'e vegnuda pussee granda, gh'e staa bisogn de trova on sistema che 'l fuss minga giornaa da vergun e che donca el fuss no on single point of failure che, se offline per esempi per el tropp traffegh, l'avaria fermaa Internet.

Donca el 23 de giugn del 1983 Paul Mockapetris, Jon Postel e Craig Partridge publighen la prima version di DNS, che hinn adottaa l'ann dopo e standardizzaa del 1987.

El DNS l'e 'n database distribuii, cont di root server a bas del sistema.

Tucc i domini finissen cont on pont, che reppresenta 'sti root server. El root server el rinvia al server competent in bas al domini de primm nivell, e poeu el so name server el mandara la domanda al DNS competent per el segond tocch del domini. Per esempi, per el domini:

lmo.wikipedia.org.

Prima el pont el fa analizza la domanda al root server, che 'l manda la domanda al name server competent per org. Lilinsci el server de org el troeuva el name server competent per wikipedia, che a so voeulta el sa l'IP de lmo. Donca l'e l'ultim name server a respond a l'utent cont l'IP del server, e l'interpretazion l'e inversa a la lettura normal.

El DNS a l'e staa desviluppaa in d'on era indova la sicurezza a l'era minga ona priorita, e per quest el gh'ha avuu de bisogn di cambi di standard cont el temp.

A bon cunt pero a l'e possibil falsifica on sitt per on host cont la tecnega de DNS spoofing che la manda ona falsa respoeusta cont on IP che l'e minga quell del sitt.

Cont el DNS cache poisoning a l'e inveci possibil dopera la fonzion del TTL (Time to Live) per modifega on'informazion e falla resta per on poo de temp in la red.

A l'e possibel, cont el DNS rebinding, fa 'na gabola a la same origin policy e convincc on client a fa gira del codes in manera minga autorizzada.

Anca di malware, el pussee famos a l'e DNSChanger, doperen on cambi de DNS per mett la soa pubblicita inveci de quella legittima o roba i dacc sensibij.