Komeet

Ene Komeet ees ene kleeijne Himmelskorper, da in ener stark unrunde Omlaufbaan om de Sunn kreis. Dobei kann ha Omlaufzigge erreiche die mieh wie 100 Millione Joore duure. Wenn su_ene Komeet en de Noh vun de Sunn kutt, kamer_ren meistens jott an singem Schweif erkenne. Dowejen heess ha och Schweifsteern. Da Schweif besteht us Jas un Stubb der vum Sunnewind fottjebloohse witt un kann bees zo 100 Millione Kilometere lang werde.

Meh ungerscheed zwei Aarte vun Komeete:

• Langperiodische Komeete han en Omlaufbaan, wo se langer wie 200 Joor brooche um eeijnmol om de Sunn ze kumme. Die kummen wahrscheinlich us da Oortsche Wulk.

• Kuurtperidodische Komeete han en Omlaufbaan die nit esu lang duuert. Die kummen wahrscheinlich us dam Kuiperjuddel.

Ene Komeet ees meistens nur eh paar Kilometer jruss un besteht us Stubb, Iis un jefroenes Jas (z. B. Methaan un Ammoniak). Meh nennt ene Komeet och drackije Schniiball.

• Halleysche Komeet

Ha wor da iirzte Komeet da entdack wudde ees vum Edmond Halley.

• Hale Bopp

Ha wor da letzte joot mim bloose Ooch ze sehende Komeet. Ha wor vun 1996 - 1997 insjesamp 18 Moond am Himmel ze sehen.

• Shoemaker-Levy 9

Da Komeet ees 1994 in etliche Bruchstucke op da Juppitter jesturz. De Wessenschaftler han do dolle Fotos vun jemaaht.