< Back | View original | http.pieter.net
2018-02-26
Televizion intelijente La smart TV o in veneto televixion intelijente la defenise comersialmente la categoria de le apareciadure eletroneghe de consumo che le ga come carataristega prinsipale l'integrasion de funsion e de servisi ligai a internet, e in partegolar al cusi dito Web 2.0, rento de apareci televixivi. La stesa locusion la xe dopara in maniera pi xenerega par defenir la tendensa a la converjensa tegnoloxega intra el mondo de i personal computer e cuelo de la televixion. Carataristeghe [canbia | canbia el codaxe]Sti dispoxidivi cua, traverso del coligamento a la rete, i da la posibilita de godar de servisi online tipegamente destinai a normali personal computer, cofa navigasion internet, video on demand, Internet TV, multimedialita, servisi in streaming, social network, evc., mantenjendo o potensiando serte carataristeghe de interativita de i televixori e de i dispoxidivi colegai mesi in comersio dopo de la nasita de la televixion dijitale terestre e satelitare. L'apeladivo smart (traduxibile da la lengua ingrexe cofa "intelijente") el xe sta dopara par 'sta categoria de dispoxidivi inte la stesa maniera de cuel chel xe suceso inte el mondo de la telefonia mobile co l'introdusion de i smartphone, a dir telefoni selulari dotai de carataristeghe progredie multimediale e intarative. La tecnoloxia de baxe del conseto de smart TV la pol esar integra inte el interior del parecio televixivo o sano la pol esar mesa a dispoxision traerso de set-top box, sia a dir dispoxidivi esterni destinai a far cresar le funsionalita dei televixori tradisionali, cusi come a l'interno de letori de dischi oteghi, console par xugar, sistemi televixivi sentralixai. | Controlo de autorita | NDL (EN, JA) 001108099 | |---|
Source: vec.wikipedia.org